(10) 5. กกุธวคฺโค
1-10. ปฐมสมฺปทาสุตฺตาทิวณฺณนา
[91-100] ปญฺจมสฺส ปฐเม ทุติเย จ นตฺถิ วตฺตพฺพํฯ ตติเย อาชานนโต อญฺญา, อุปริมคฺคปญฺญา เหฏฺฐิมมคฺเคน ญาตปริญฺญาย เอว ชานนโตฯ ตสฺสา ปน ผลภาวโต มคฺคผลปญฺญา ตํสหคตา สมฺมาสงฺกปฺปาทโย จ อิธ ‘‘อญฺญา’’ติ วุตฺตาฯ อญฺญาย พฺยากรณานิ อญฺญาพฺยากรณานิฯ เตเนวาห ‘‘อญฺญาพฺยากรณานีติ อรหตฺตพฺยากรณานี’’ติฯ อธิคตมาเนนาติ อปฺปตฺเต ปตฺตสญฺญี, อนธิคเต อธิคตสญฺญี หุตฺวา อธิคตํ มยาติ มาเนนฯ จตุตฺถาทีนิ อุตฺตานตฺถาเนวฯ
ปฐมสมฺปทาสุตฺตาทิวณฺณนา นิฏฺฐิตาฯ
กกุธวคฺควณฺณนา นิฏฺฐิตาฯ
ทุติยปณฺณาสกํ นิฏฺฐิตํฯ
3. ตติยปณฺณาสกํ