11. มหาโจรสุตฺตวณฺณนา

[51] เอกาทสเม มหาพลวโจโร มหาโจโรติ อาห ‘‘มหนฺโต พลวโจโร’’ติฯ พลวโจโรติ จ มหาถามตาย มหาปริวารตาย มหาโจริยกมฺมสมตฺถตาย จ เวทิตพฺโพฯ มหตํ คามนิคมานํ วิลุปฺปนํ มหาวิโลโปฯ ตํ ตํ การณํ ปกฺขิปิตฺวาติ ตํ ตํ อกรณเมว การณํ กตฺวา ตปฺปฏิพทฺธาย กถาย ปกฺขิปิตฺวาฯ อตฺถํ กถยิสฺสนฺตีติ ตสฺส ตสฺส อตฺถญฺจ กถยิสฺสนฺติฯ หรนฺตาติ อปเนนฺตา ปริหรนฺตาฯ ทสวตฺถุกายาติ ‘‘สสฺสโต โลโก’’ติ (ม. นิ. 1.269) อาทิทสวตฺถุสนฺนิสฺสิตายฯ อนฺตํ คเหตฺวา ฐิตทิฏฺฐิยาติ ตเมว สสฺสตาทิอนฺตํ คเหตฺวา อวิสฺสชฺเชตฺวา ฐิตทิฏฺฐิยาฯ

มหาโจรสุตฺตวณฺณนา นิฏฺฐิตาฯ

จูฬวคฺควณฺณนา นิฏฺฐิตาฯ

ปฐมปณฺณาสกํ นิฏฺฐิตํฯ

2. ทุติยปณฺณาสกํ