เมนู

อิตรถา วิสุํ ปโยชนํ นตฺถีติ ทฏฺฐพฺพํฯ สปริยนฺตา สงฺฆปวารณา, ตทุตฺตริ เภสชฺชวิญฺญตฺติ, อคิลานตาติ อิมาเนตฺถ ตีณิ องฺคานิฯ

มหานามสิกฺขาปทวณฺณนา นิฏฺฐิตาฯ

8. อุยฺยุตฺตเสนาสิกฺขาปทวณฺณนา

[315] อฏฺฐเม เอกเมกนฺติ เอตฺถ ทุวงฺคินีปิ ติวงฺคินีปิ เสนา สงฺคยฺหติฯ อุยฺยุตฺตจตุรงฺคเสนาทสฺสนาย ตถารูปปจฺจยาทิํ วินา คมนํ, อนนุญฺญาโตกาเส ทสฺสนนฺติ อิมาเนตฺถ ทฺเว องฺคานิฯ

อุยฺยุตฺตเสนาสิกฺขาปทวณฺณนา นิฏฺฐิตาฯ

9. เสนาวาสสิกฺขาปทวณฺณนา

[319] นวเม เสนาย จตุตฺโถ สูริยตฺถงฺคโม, อคิลานตาติ อิมาเนตฺถ ทฺเว องฺคานิฯ

เสนาวาสสิกฺขาปทวณฺณนา นิฏฺฐิตาฯ

10. อุยฺโยธิกสิกฺขาปทวณฺณนา

[322] ทสเม ปาฬิยํ กติ เต ลกฺขานิ ลทฺธานีติ กิตฺตกา ตยา ลทฺธาติ อตฺโถฯ อุยฺโยธิกาทิทสฺสนาย ตถารูปปจฺจยํ วินา คมนํ, อนนุญฺญาโตกาเส ทสฺสนนฺติ อิมาเนตฺถ ทฺเว องฺคานิฯ

อุยฺโยธิกสิกฺขาปทวณฺณนา นิฏฺฐิตาฯ

นิฏฺฐิโต อเจลกวคฺโค ปญฺจโมฯ

6. สุราปานวคฺโค