วิหารฏฺฐกถาวณฺณนา

[103] วิหารฏฺฐกถายํ วิหารนฺติ อุปจารสีมาสงฺขาตํ สกลํ วิหารํฯ ปริเวณนฺติ ตสฺส วิหารสฺส อพฺภนฺตเร วิสุํ วิสุํ ปาการาทิปริจฺฉินฺนฏฺฐานํฯ อาวาสนฺติ เอกํ อาวสถมตฺตํฯ คณสนฺตเก ปริจฺฉินฺนสามิกตฺตา สกฺกา ธุรํ นิกฺขิปาเปตุนฺติ อาห ‘‘ทีฆภาณกาทิเภทสฺส ปน คณสฺสา’’ติฯ อิธาปิ สเจ เอโกปิ ธุรํ น นิกฺขิปติ, รกฺขติเยวฯ เอส นโย พหูนํ สนฺตเก สพฺพตฺถฯ